by Þorkell Helgason | nóv 27, 2010 | Á eigin vefsíðu
Þegar þetta er ritað er verið að opna kjörstaði. Í dag verður kosið til stjórnlagaþings sem er falið það ábyrgðarmikla verkefni að gera tillögu um endurbætta stjórnarskrá Lýðveldisins Íslands. Þessi kosning er því ein sú mikilvægasta í sögu þessa lýðveldis. Brýnt er að kjörsókn verði góð þannig að þingfulltrúar fái traust umboð þjóðarinnar til starfa sinna. Flykkjumst því á kjörstað í nafni lýðræðisins. Látum ekki aðra kjósa fyrir okkur með því að mæta ekki.
Það er mikið úrval góðra frambjóðenda. Fjöldi þeirra ætti því ekki að vaxa mönnum í augum; þvert á móti veitir hann kjósendum tækifæri til vals í þessum fyrsta persónukjöri á fulltrúaþing. Látum ekki tækifærið úr greipum okkur ganga.
by Þorkell Helgason | nóv 27, 2010 | Á eigin vefsíðu
„Ég styð Þorkel af því að hann er traustur maður.“ Baldvin Tryggvason fv. sparisjóðsstjóri.
„Ég styð Þorkell vegna þess að hann kann að greina vandamál, en hann er líka einn vandaðasti maður sem ég þekki.“ Vilhjálmur Bjarnason lektor.
„Ég styð Þorkel vegna þess að hann á gott með að vinna með fólki sem hefur aðrar skoðanir en hans eigin.“ Steingrímur Hildimundarson afgreiðslumaður.
„Þorkell Helgason hefur einstaka hæfileika til að sjá hlutina í víðu samhengi.“ Helga Barðadóttir stjórnsýslufræðingur.
„Ég kýs Þorkel Helgason á stjórnlagaþing því þekking og reynsla eiga erindi.“ Pétur Örn Sverrison hrl.
„Ég styð Þorkel því hann getur nefnilega tekið sönsum. Það er ekki öllum gefið.“ Guðrún Jóhannsdóttir fv. bókari.
„Ég styð Þorkel af því að hann hefur mikla reynslu og sterka dómgreind.“ Sr. Kristinn Ólason rektor Skálholtsskóla.
„Ég styð Þorkel vegna mannkosta hans, reynslu og þekkingar.“ Magnús Jónsson fv. veðurstofustjóri.
„Ég styð Þorkel. Einn eftirminnilegasti og besti kennari minn frá háskólaárunum.” Bjarni Júlíusson tölvunarfræðingur.
„Ég styð Þorkel vegna þess að hann er hógvær og einbættur hugsjónamaður.“ Guðrún Óskarsdóttir semballeikari.
„Ég kýs Þorkell vegna þess að hann er rökfastur og hugmyndríkur.“ Kolbeinn Bjarnason flautuleikari.
„Ég styð Þorkel Helgason til stjórnlagaþings. Einmitt maðurinn sem við þurfum þar.“ Björn Karlsson brunamálastjóri.
„Þorkell er frjór og sjálfstæður í hugsun.“ Auður H. Ingólfsdóttir, alþjóðastjórnmálafræðingur
„Ég styð Þorkel Helgason vegna þess að ég þekki hann af góðgirni, heiðarleika og lipurð og yfirburðaþekkingu á kosningareglum.“ Markús Möller hagfræðingur.
„Af þeim fjölmörgu frambjóðendum sem ég hef kynnst, treysti ég engum betur en Þorkatli til að leiða stjórnlagaþingið. Þess vegna kýs ég Þorkel.“ Geir Guðmundsson verkfræðingur.
„Ég styð Þorkel af því að hann er traustur, heiðarlegur og vandaður maður.“ Guðfinna S. Bjarnadóttir fv. rektor
by Þorkell Helgason | nóv 26, 2010 | Á eigin vefsíðu
Í Reykjavík og reyndar víða um land ætla frambjóðendur að hittast í kvöld kl. 20, kveikja á kertum og sýna þannig á táknrænan hátt samhug sinn og þakklæti fyrir að „kosningabaráttan“ hefur verið bæði málefnaleg og hófstilt. Í Reykjavík hittast frambjóðendur við Þjóðmenningarhúsið á Hverfisgötu og ganga svo fylktu liði að Lýðveldistorginu fyrir ofan Þjóðleikhúsið.
by Þorkell Helgason | nóv 25, 2010 | Á eigin vefsíðu
Ekki gleyma að kjósa. Þeir sem missa af lestinni verða þá að reyna að mæta á kjörstað á laugardag. Góð kjörsókn er grunnforsenda þess að stjórnlagaþingið verði farsælt þjóðinni. Kjósum öll. Samkvæmt tölum er staða utankjörstaðaatkvæðagreiðslu svipuð og við síðustu sveitarstjórnarkosningar. Er þjóðin að taka við sér? Góðar fréttir fyrir stjórnlagaþingið? Vonandi.
by Þorkell Helgason | nóv 25, 2010 | Á eigin vefsíðu
Mikill misskilningur og rangfærslur eru á ferðinni um kosningaraðferðina, enda þótt meginhugsunin sé sáraeinföld:
- Sá sem er í efstu vallínu er sá sem hefur forgang að atkvæðinu. Hann situr í aðalvallínunni.
- Sé hann úr leik – hefur náð kjöri – eða fallið út sakir lítils fylgis færist atkvæðið til þess sem er næstur á óskalista kjósandans og færist í aðalvallínuna
- Og svo koll af kolli.
Það er því höfuðatriði að raða, og það sem flestum. En það er efsta línan sem er aðallínan. Þessu má lýsa með mynd:
